Mestreechs

Foi foi, luikes, noe goan iech uuch un puis vertelle die geer gaaroet neejt geluive kent! Loester. Geer wet toch dat iech mit miene maan pas geleie in Paries woar. Veur den iersten moal (bei gelegenheid van ozze 25 joarige trouwdaag, höllep keender, boe geit den tied toch nò touw, neejt!). Us keender hadde us zelfs keertsjes veur t verveur door die groete sjtad gesjoonke.

Enne Hollender der veer toevallig tegen koame bei de groete sjtasie, enne hiel oardige mins, maakte us duudelik woe veer de bûs mit sjoen oetziech kooste nummen riechting centrum. Ich höb 't nog oonthaajte: "ligne S, depart Place Monceau". Foi foi, wat woar 't werrem! En auch nog es hiel veul luij, zoe te zien terök van commissies op de merret hei in de buurt, hiele calbasse vol bei ziech.

Affin, veer de bûs iin, nog sjus e plötske gevoonde veur os twie. Mè doa keump 't: doa zoage ver veur us enne hiele rare vent, artiest of zoe, enne hals wie men die kent van die vroului oet Birma of zoe, zoe laaank en op ziene kop ènne patsj zoe plat es enne euro, meh daan 100 moal zoe groet! En auch nog es un touw drom heer: dat zuut me noets bei us in Mestreech!

Oppèns begoos dee maan te kriete. Un vrouw neven eum wouw oestjappe en trapte 'm op zien tiene. Kriete en jaanke! Wat enne ambras, foi foi, das te zoe get mos mitmake! Mer de maan stoond op en leep noa un andere ploats, vreiselijk eigenlik!

Veer mooste oetsjtappe, iech mein dat t Gare Labaar of zoe woar. Affèn, veer droet en wat zoagen veer doa: sjus: dee komiek. Eer stoond doa te klas

tsjeneere mit unne maan dee em bei zenne gabberdien vasthaw, op de huugte van e look woe enne knoop woar aafgevalle of zoe. Miene maan en iech zien mer gaw doorgeloape...!